明明上堂冇訓覺，
仲好好精神同同學傾計，
點解老師講嘅野一個字都冇記憶？
又或者明明放break個個都大聲講大聲笑，點解我地都可以清清楚楚聽到朋友講嘅野？其實你唔係有超能力，你有嘅係「雞尾酒會效應」。
「雞尾酒會效應」(cocktail party effect) 係人類嘅一種聽覺選擇能力。人同人對話好多時都會夾雜其他聲音，例如鳥聲，地盤聲，同其他人既聲音，當人要同特定對象交談，佢就會集中聽對方講野而忽略周遭既其他聲音。
「雞尾酒會效應」會係兩種情況下出現：
第一，無論身處既環境有幾嘈，我地都可以聽到對話目標所講嘅野，例如係年宵市場就算個個攤位都用大聲公嗌，我地都聽到朋友喺隔離講既內容。
第二，人在異鄉嘅時候，我地嘅聽覺會比較唔靈敏，因為我地聽到嘅唔係平時聽開嘅語言，當突然聽到自己嘅母語，我地嘅聽覺好容易會察覺到。
題外話：既然有呢種能力，當有人面對面向你作出惡意批評，不妨將聽力集中喺其他聲音來源，唔使理佢地！不過出於善意嘅意見最好就聽聽！