喜歡自由、無拘無束嘅你；唔想比世俗眼光束縛嘅你；唔甘心打死一份工嘅你；自己人生想自己作主嘅你，有冇諗過做Freelance呢？講緊嘅唔係賺外快，而係真真正正咁，做一個全職嘅Freelancer（自由工作者）！做全職Freelance可以自由啲咁安排時間，做自己中意做嘅野，唔洗局限係個office裡面。之但係做Freelancer又有啲咩要注意呢？而家等Tutor Circle 尋補話你知！
好處
1. 工作時間彈性
成為一個全職嘅Freelancer，即係話所有嘅工作安排都係由自己決定，咁自自然然即係由自己話事幾時做野幾時唔洗做野，你習慣夜晚做野，朝早出去玩嘅又得；中意四天工作週，甚至三天，一個星期一半做野一半休息都得。有啲咩突發事或者無啦啦想快閃一個亦無需事先向公司請假，工作時間比打工彈性好多。
Caption: Freelancer嘅工作時間彈性，全由自己話事。
2. 發展自己興趣
香港人好多時因為要返工搵兩餐，平日返工太攰難得放假又只係想係屋企好好休息，hea下hea下就過左個短暫嘅假期，而扔低左自己嘅興趣。做全職Freelancer另外一個好處就係可以有多啲時間發展自己嘅興趣，而且選擇較多元，甚至可能可以將自己嘅興趣變成工作，寓工作於娛樂。
Caption: 香港人忙於工作好多時都為左搵食而丟低自己嘅興趣。
3. 追尋夢想
係而家呢個社會已經好少人會講夢想，但萬一你係其中一個"少數人"，做Freelancer可以令你有更多機會去一步一步接近你嘅夢想，又或者你未搵到你嘅夢想，你都可以從freelance嘅過程中繼續追尋自我，搵到自己想要嘅野，同埋更加認識自己，搵到適合自己嘅生活節奏，過自己想要嘅人生，而唔係千篇一律，毫無起伏嘅一生。
Caption: 係時候搵返自己嘅夢想喇！
壞處
1. 收入唔穩定
Freelance嘅收入取決於多唔多job，接job唔係話你勤力啲就接到，都好睇你嘅運氣同嗰排嘅市況。咁啱嗰排好景嘅話收入可以好可觀，但係一個唔覺意淡季收入真係可以少得可憐，所以做全職Freelancer嘅話平時要好自律，而且一定要有好好理財同埋儲蓄嘅習慣，先可以應付突如其來嘅金錢需要。
Caption: Freelancer收入不及打工穩定，要有好好理財嘅習慣。
2. 太大自由度
同上面一樣啦，Freelance要好自律先得，工作時間太過彈性，甚至返唔返工都可以自己話事。香港人好容易啲惰性就出晒嚟，到時拎住個Freelancer嘅名，結果其實只係一個無所事事嘅廢青，自問無乜定力嘅就要留意喇！
Caption: freelancer每日都要同惰性打交，一定要夠自律先可以！
3. 社交生活悶
做Freelance好多時候都係home office，亦唔會有同事同你一齊工作，大部分時間都係自己一個人。一開始可能會好享受一個人思考嘅時間，但久而久之就難免會有一點寂寞同孤獨，你嘅時間係好多，但你嘅朋友個個都要返工，老細唔叫佢加班都偷笑，邊有咁多時間可以出來同你玩。
Caption: 身邊朋友未必個個都好似你咁free，所以大多數時間都係一個人。
4. 冇福利津貼
係香港做Freelancer算係自僱人士既一類，自己做自己既老細啊哈哈哈哈。即係話要幫自己登記強積金自己供晒，而且冇任何公司提供嘅律貼同福利，孑身一人，都可以叫係冇包伏嘅，好唔好就自己衡量，最穩陣嘅就當然係幫自己買番份保險。
Caption: 自僱人士唔係打工仔有公司嘅福利同埋公司幫手供強積金。
總結
如果自問無辧法take care以上嘅野，或者睇完覺得做Freelance看似自由，但實際要煩嘅事更加多，咁可能你唔適合做一個全職嘅Freelancer喇～
Tutor Circle (尋補)是全港最大型補習平台，以革新、專業、貼心為學生們服務，為同學們尋找最合適的私人補習導師。透過自動化配對系統，最快兩小時內為幼稚園、中小學及大專生配對私人補習個案，為急切需要指導的學生提供上門補習配對服務。除了一對一及小組補習，還有國際公開考試、語言教學，如西班牙文、法文等外語班，以及樂器教學配對服務。家長可按需要選擇大學生或現職教師的導師。
Desk-one會員使用Tutor Circle (尋補) 服務，即可獲得回贈優惠！學生按此連結（優惠碼TC40已自動輸入）可享有完成首兩星期課堂後 $40 學費回贈；導師則可享有完成首兩星期課堂後 $40 中介費回贈（確認補習個案時請告知客服同事優專碼TC40以使用優惠）。優惠期有限，請勿錯過！
想知怎樣把學歷同工作經驗要點寫到履歷表CV上？
立即登記就可以免費拎取不同職業的CV Template！
*條款細則 Tutor Circle (尋補)和Desk-one保留此優惠活動的解釋權和最終決定權。
此文章由 Tutor Circle (尋補)提供，並不代表本網誌立場。
瀏覽更多來自合作夥伴Tutor Circle尋補的文章。
Comments